Prostitucion në qendrën e masazhit në Tiranë, arrestohen 3 vajza

Policia ka vendosur në pranga tre vajza ndërsa janë proceduar penalisht 4 shtetase të tjera, pasi në bashkëpunim me njëra tjetrën kryenin prostitucion në një qendër masazhesh.

Ndërkaq pronari i qendrës së masazheve M. M., 47 vjeç, është shpallur në kërkim.

Konkretisht në pranga u vendosën:

M.H., 27 vjeç dhe B. K., 23 vjeçe, të dyja banuese në Tiranë, menaxhere në një qendër masazhesh, për veprat penale “Shfrytëzimi i prostitucionit” dhe “Moskallëzimi i krimit”;

– S. S., 22 vjeçe, banuese në Tiranë, punonjëse në qendrën e masazheve, për veprën penale “Prostitucioni”.

Gjithashtu, u proceduan penalisht në gjendje të lirë, për veprën penale “Prostitucioni”, shtetasit:

– Z. A., 30 vjeçe, Xh. Sh., 21 vjeçe dhe A. K., 26 vjeçe, të tria banuese në Tiranë, punonjëse në qendrën e masazheve;

– R. M., 37 vjeç, banues në Maqedoni, klient në qendrën e masazheve.

Materialet i kaluan Prokurorisë, për veprime të mëtejshme procedurale.