Një sherr u regjistrua para dy ditësh në një shëtitore në Sarandë, ku u godit me thikë pas shpine nga peshkatari dhe trafikanti i drogës, Genti Alias Jorgo Golemi, Kledi Koka 43-vjeç, i cili dhe ndërroi jetë.
Genti Alias Jorgo Golemi ka dalë sot para togave të zeza të Gjykatës së Sarandës, ku dhe është shfaqur i penduar para trupit gjykues të kryesuar nga Fatmir Ndreu.
“Kërkoj falje për çfarë kam bërë. Jam i penduar thellë. Nuk mendova se çfarë do të ndodhte. Më mirë të kisha vdekur unë se sa shoku im. E kisha shok dhe mik”, ka thënë ai.
Ne fund të seancës, Prokurori Ilir Hoxha ka kërkuar si masë “Arrest në burg”, e cila u la në fuqi edhe nga gjyqtari Fatmir Ndreu.
Kujtojmë që sherri nisi për vendparkimin e mjeteve lundruese në limanin e qytetit. Më pas Koka e ka goditur Golemin me sende të forta duke e gjakosur. Pak minuta me pas, Golemi me një thike e ka qëlluar 43-vjeçarin një here te vetme ne shpine. Për shkak teë hemorragjisë se madhe në mushkri, ai ndërroi jete gjate operimit ne spitalin e Sarandës.
Discussion about this post