Tenderat pa garë janë praktike punë e zakonshme për qeverinë Rama, ku në listën e gjatë të Bashkive që abuzojë me fondet publike, është shtuar dhe ajo e Kolonjës, me kryetar Erion Isain.
Tenderi në fjalë që bashkia do të japë, ka si objekt “Blerje materiale ndërtimi për rikonstruksionin e katit të parë të qendrës multifunksionale të qytetit Ersekë, bashkia Kolonjë”.
Sipas të dhënave në faqen zyrtare të “Open Procurement Albania”, tenderi i cili është bërë në datën 4 shtator 2021, mban numrin e referencës REF-10041-11-01-2021, dhe ka fondin limit 2 083 183, 00 lekë pa TVSH, ose 20 milionë lekë të vjetra. Në këtë tender ka marrë pjesë vetëm një kompani në pronësi me administrator Argert Cenkon, që si rrjedhojë është shpallur edhe fitues.
Kështu, shohim qartë që nuk është respektuar rregulli i garës dhe konkurrencës, duke hedhur dyshime se ky tender është një nga dhuratat e shumta që kryetarët e bashkive i bëjnë kompanive konkurruese, në këtë rast bashkia Kolonjë.
Tenderat pa garë janë kryefjalë e skandaleve të shumta të qeverisë, ku institucionet e vendit nuk respektojnë ligjin dhe që ngrenë dyshime për korrupsion. Kreu i Bashkisë së Tiranës, Erion Veliaj njihet për favorizimet që iu bën miqve të tij, ku herë pas herë Gijotina.com ka denoncuar skandalet e vazhdueshme që shoqërojnë kryebashkiakun në punën e tij./ Gijotina.com
Discussion about this post