Irini Bua, gruaja e cila u kërcënua me plumb mëngjesin e sotëm në Dhërmi, ka folur për ngjarjen, ku ka treguar detaje dhe emrat e personave të dyshuar.
Ajo ka ngritur disa akuza për kryeplakun e fshatit, madje duke theksuar se i gjithë konflikti bëhet për pronat. Familja Marku, ka bashkëpunuar me ish-kreun e arrestuar të kadastrës së Vlorës Klodian Trocin dhe Bardhyl Gjikën. Bua konfirmon se në vrasjen e papagallit, ka dorë familja Marku ku ka përmendur tre emra Kiço, Aleks dhe Edmond Marku. Sipas Irini Bua, familja në fjalë ka falsifikuar dokumentacione të pronave në bashkëpunim me zyrtarët e arrestuar, këto informacione i ka dhe prokuroria, por nuk po heton. Dyshimet e forta se kanë qenë anëtarët e kësaj familje, autorët e ngjarjes, Irini e konfirmon pasi ditën e djeshme ka bërë disa denoncime publike ndaj tyre, e ngjarjen e sotme e konsideron si hakmarrje të tyre.
Nuk është hera e parë, pasi ka pasur akuza për vjedhje pronash e konflikte edhe për Alket Hysenin dhe emra të tjera të cilët konsiderohen si të fuqishëm në zonë, por sipas saj institucionet heshtin.
Për ngjarjen e sotme, Bua tregon se ka qenë bashkëshorti ai i cili gjeti papagallin e vrarë dhe një plumb pranë garazhit, si një mesazh ndaj familjes. U lajmërua policia dhe u bënë hetimet, por sërish nuk është gjetur asnjë gjurmë e autorëve të ngjarjes. Ndër të tjera, pohon se familja ndihet e rrezikuar për shkak të kësaj kërdie që po ndodh në fshat.
