Missi Cindy Marina dhe djali i Jozefina Topallit Genari janë prej kohësh në një lidhje dashurie. Të dy dolën hapur vetëm pak kohë më parë dhe tashmë rrinë të pandarë.
Teksa performoi në “Dance Albania”, Cindy u ngacmua dhe për raportin e saj me Genarin. Si rrallëherë, gazetarja sportive ndau me publikun detaje te reja nga marrëdhënia e saj. Cindy tregoi se ajo dhe Genari janë në një lidhje prej dy vitesh.
“Jam e lidhur prej 2 vitesh me Genarin, jemi njohur në Shqipëri. Kur më erdhi ftesa për “Dance Albania” isha me 2 mendje se kisha dhe angazhime të tjera dhe ai ishte i pari që më shtyu që të futesha dhe ta provoja këtë eksperiencë. Më tha: “Të shkon shumë Dance, pse jo të mos ta provosh, të provosh me veten dhe ta fitosh”. Në këtë rrugëtim nuk jam vetëm për vete, por edhe për Genarin”, është shprehur bukuroshja.
Por a vendoset Cindy në siklet kur pyetet për jetën e saj private?
“Mund të them po edhe jo, sepse është e vërtetë që unë jam Cindy por dhe kjo është një pjesë tjetër e jetës sime dhe nuk i vë faj njerëzve që ndoshta e përmendin apo duan ta nxjerrin në pah. Kam arritur shumë për moshën akoma të re, jam krenare. Dhe për lidhjen time, jam krenare.”
Dhe ajo që të gjithë jemi kuriozë është mardhënia që Cindy ka me vjehrrën e saj, Jozefina Topallin.
“Kam raporte të mira, ajo është e mrekullueshme”.
Në përfundim Cindy u shpreh se nuk e kishte menduar kurrë që do të lidhej me një djalë shqiptar, por ishte Genari ai që i ndryshoi totalisht këtë mendim.
Discussion about this post