Kryeministri Edi Rama është shprehur se publikimi i e-maileve të ish-drejtorit të Gledis Nanos nuk është shkelje, pasi ato nuk janë komunikime sekrete.Kjo deklaratë e kreut të qeverisë rrëzon policinë por dhe prokurorinë, të cilat dhanë urdhër për mospublikimin e tyre kategorikisht, ndryshe ai që e bënte do të mbante përgjegjësi.
Në programin “Opinion”. Ai u shpreh se projektin e mbrojtjes kibernetike e kemi harmonizuar me mbrojtjen e të dhënave.
I pyetur për ndonjë sulm të mundshëm terrorist nga Irani, Rama tha se nuk kanë informacione, por u shpreh se regjimi i Iranit është i egër dhe i paparashikueshëm.
Rama: Janë komunikime të emailit jo të sekretuar, ato kanë një vlerë gazetaresk. Ne nuk kemi gjëra tejet të rëndësishme në sistemet tona dixhitale hë për hë, sepse gjithë projektin e mbrojtjes kibernetike e kemi harmonizuar me mbrojtjen e të dhënave.
A është e rrezikuar Shqipëria nga një akt i mundshëm terrorist i Iranit?
Rama: Nuk kemi të dhëna që të ndihemi të rrezikuar, por regjimi i Iranit është i egër dhe mund të jetë i paparashikueshëm. Ne jemi në komunikim të vazhdueshëm, kemi nevojë për të përshpejtuar planin e mbrojtjes kibernetike, për këtë arsye i jemi drejtuar partnerëve. Bëhet fjalë për një financim shumë të kushtueshëm kur kemi edhe shumë probleme të tjera. Jemi në rrugë të mbarë për të ndërtuar me një shpejtesi të arsyeshme gjithë sistemin kibernetik.
Discussion about this post