Kryeministri Edi Rama ka reaguar në lidhje me krizën energjetike që po kalon Kosova, duke mos shfrytëzuar asnjë moment për të qenë në qendër të vëmendjes.
Rama shkruan në Twitter se është duke ndjekur me shqetësim situatën, dhe po vlerësohet mundësia për të ndihmuar qeverinë e Kosovës duke ndarë energji dy ditët festive të Vitit të Ri.
“Duke e ndjekur me shqetësim krizën e rëndë energjetike që ka prekur Kosovën kërkova sot nga ministria e Energjisë të vlerësojë çdo mundësi ndihme për qeverinë e Kosovës, që familjeve në Kosovë të mos u mungojë energjia elektrike në dy ditët e festës popullore të ndarjes së viteve! Shqipëria s’e ka aspak të lehtë mbrojtjen e vijueshme të familjeve e sipërmarrjeve të vogla nga dallga e tërbuar e krizës energjetike që po kërcënon çdo vend, por në sekëlldira të mëdha apo në gëzime popullore siç është Viti i Ri, ne s’mund të mos e ndajmë me Kosovën aq sa kemi!”, shkruan Rama.
Sikurse çdo lëvizje tjetër, ky veprim i Ramës vjen i mirëmenduar dhe i nxitur nga kritikat që një ditë më parë qytetarët kosovarë po i bënin kryeministrit se përse nuk i vjen në ndihmë Kosovës me energji elektrike.
Duke kërkuar të bëjë si i mirë në sy të botës, Rama duhet të kujtohet se edhe vendi ynë është në krizë energjetik, por pavarësisht, ai po ofron me propagandë pasuri publike duke rrezikuar që të lërë vendin tonë në errësirë.
Discussion about this post