Sekretari organizativ i Partisë së Lirisë, Artemis Peca, i cili po drejtonte mjetin me të cilin po udhëtonte kryetari i kësaj partie, Ilir Meta në momentin e arrestimit, përshkroi edhe njëherë momentin në “Top Story”.
Peca tha se është i tronditur emocionalisht, pasi siç pretendon ai, efektivët e policisë i dolën papritur para duke i prerë rrugën automjetit, me maska dhe automatik duke ushtruar terror.
Ai shprehet se në momentet e para mendoi se po grabitej ish-presidenti Meta, ose po i kryhej atentat.
Akoma nuk e kam marrë veten duke përjetuar atë skemë krimi. Ne po udhëtonim prej dy orësh. Ishte si ditë normale e zakonshme, kishte njoftuar një konferencë për mediat. Ishte shumë i qetë. Kur na preu makina rrugën dhe kur dolën ata me maska dhe automatik, mendova se ishte grabitje, marrje peng, ose atentat që mund të na eliminonin fare. Na hapën të dyja dyert njëkohësisht. Direkt thanë do vish me neve, ku do vi kush je ti.
Filluan duke ofenduar, tërhiq mua, tërhiq presidentin. Nuk kishin asnjë shkrim, ishin anti njerëzor. Makina ishte Benz C klas ngjyrë gri, targën nuk e identidikova dot. Makina mbrapa ishte e policisë. Na terrorizuan komplet, bandë e organizuar. Nga para nuk kishte asgjë në uniformë, mendova se ishte grabitje. E mbajtja presidentin për krahu se thash na vranë, të na vrisnin të dyve“-tregoi ai.
Ai tha ndër të tjera se pasi u arrestua Ilir Meta, edhe ai u prangos dhe qëndroi me pranga për rreth 4 orë. Madje në një moment tha ai, i kërkoi policisë t’i hiqnin prangat, por ata nuk gjenin çelësat sipas tij.
Peca pretendoi se efektivët e policisë ushtruan dhunë ndaj tij duke e përplasur te dera e pasme e makinës ku po udhëtonte bashkë me Ilir Metën.
“Kam prej një muaj që jam sekretar organizativ i PL, në LSI kam që në 2008. Ne lëvizim me makinë bashkë vetëm në momente të caktuara. Më morën dhe më nxorën makina me forcë, më kanë përplasur te dera dytë nga mbrapa. I thash ça po bëni, thanë mos fol vëri prangat. Nxora telefonin, ma morën nga dora.
Në kërkuam kush jeni ju, më thanë mua po ti kush je. I thash jam sekretari organizativ, na nxorën në mënyrë çnjerëzore. Më vunë prangat dhe më hipën në makinë, presidentin e shoqëruan te makina tjetër. Ilir Meta po u thoshte kush jeni ju na shpjegoni. Shkova me pranga në polici, donin të më mbanin aty, të më bënin dhe video sikur isha kriminel. Më lanë 40 minuta me pranga në duar në rajon dhe nuk mi hiqnin. Unë thoja m’i hiqni prangat, thoshin nuk dimë ku kemi çelësat. Njëri thoshte do dalësh, tjetri thoshte jo. Vetëm ushtronin presion ata të policisë.”
gijotina.com/
Discussion about this post