Ish ylli i Man United Anderson përballet me akuza për mashtrime financiare në formën e kriptovalutave.
Ish sulmuesi është nën akuza per vjedhjen e nje shume parash, investigim ky i nisur që në vitin 2020.
Anderson ka qënë pjesë e Manchester United dhe Kombëtares së Brazilit, ndërsa tani është përballë akuzave shumë të rënda, që e implikojnë atë në një grup të strukturuar kriminal, që merreshin me vjedhjen e parave në formën e kriptovalutave.
Për një total prej tetë personash, janë ngritur akuzat për vjedhje,mashtrim dhe pastrim parash nga autoritetet e Porto Alegre ne Brazil.
Grupi akuzohet për krijimin e skemave të zhvatjes , që pas përvetësimit të vlerave monetare, i konvertonin ato në kriptovaluta në mënyrë për të humbur gjurmët e origjinës së tyre.
Vetë Anderson, tashmë i tërhequr nga futbolli, akuzohet si pjesë e këtij grupi nga organet e ligjit të Porto Allegre se ka luajtur rolin e tij në këtë skemë mashtrimi që përvetësonte paratë në formën e kriptovalutave.
Në vitin 2020 apartamenti i Anderson u bastis nga policia, dhe nga gjurmët që u gjendën në kompjuterin e tij personal, u konstatua aktivitet illegal në fushën e shkëmbimit të kriptovalutave.
Mësohet se grupi ka arritur të përvetësojë afro 5.5m dollarë nga një firmë industriale në Brazil, dhe kjo shumë parash ishte depozituar në 11 banka në katër shtete të ndryshme, dhe ishin deklaruar si të fituara nga shkëmbimi i kriptovalutave online.
“Është një situate komplekse, nuk mund të flasim në këto momente,”mësohet të ketë komentuar avokati i Anderson rreth kësaj çështje.
“Është një hetim në vazhdim, por klienti im është i pafajshëm, ai është një viktimë, jo i implikuar.”
Anderson hapat e fundit të karrierës i mbylli në Turqi me skuadrën e Adana Demirsporit, ndërsa ka qënë pjesë e Manchster United nga viti 2007 deri në 2015, gjithashtu ka fituar edhe tetë trofe të rëndësishëm me Kombëtaren e Brazilit, dhe ka qënë pjesë e triumfit të ‘Selecao’ në Copa America në vitin 2007.
