Gjykata e Apelit ka lënë në fuqi vendimin e Gjykatës së Tiranë, e cila ka shpallur fajtor ish-rojen e shkollës në Babrru, Abaz Doga, pasi abuzoi me një vajzë të mitur. Për krimin e rëndë, Doga do të vuaj dënimin prej 18 vitesh burg dhe me gjykim të shkurtuar, ai do të bëjë 12 vite burg. Ish-roja e shkollës do ta kryejë dënimin e tij në një burg të sigurisë së zakonshme. Po ashtu, fajtor për përdhunimin e të miturës është shpallur edhe Klajdi Poçi, i cili me gjykim të shkurtuar do të bëjë shtatë vjet e katër muaj burg.
Fajtor është shpallur edhe i mituri R.O, i cili do të kryejë 3 vjet e 8 muaj burg. Edhe i mituri F.B u shpall fajtor dhe e presin 3 vite e katër muaj burg.
Çfarë dëshmoi e mitura?
Më herët e mitura viktimë e abuzimit seksual ka dëshmuar përpara organit të akuzës se ata e kanë kërcënuar se do i nxirrnin fotot intime. Sipas saj ajo është abuzuar për herë të parë nga Abaz Doga në vitin 2018 dhe më pas është detyruar të shkojë edhe disa herë të tjera për shkak të presionit.
Në dosjen hetimore për këtë çështje thuhet se Klajdi Poci, është personi që e ka kërcënuar me videot, me të cilin ka kryer vetëm një herë marrëdhënie seksuale.
Sipas dëshmive, rezulton se 3 të pandehurit kundërshtojnë njëri-tjetrin sa përket abuzimit me të miturën. Ndërkohë që vetë vajza e mitur ka deklaruar se është abuzuar për herë të parë nga Abaz Doga, ky i fundit fajëson të pandehurit e tjerë. Kështu, Doga ka pretenduar se herën e parë që e ka marr në shtëpie, vetëm e ka prekur, ndërsa shton se kanë qenë dy të rinjtë që fillimisht kanë abuzuar me vajzën, i kanë bërë video intime, të cilat Abaz Doga ia ka blerë dy të miturve për shantazh.
Më tej, i pandehuri tjetër Klajdi Poci ka thënë se ka kryer disa herë marrëdhënie me vajzën por videon e ka bërë Doga. Ndërkohë dy të miturit e tjerë të pandehur, kanë deklaruar se Abaz Doga i ka bërë presion vajzës që të shkonte me ta. Dy shokët kanë filmuar aktin në video.
