Agresioni rus në Ukrainë ka sjellë një mobilizim në të gjithë vendin, ku civilët po mundohen në çdo mënyrë që të ndihmojnë forcat ushtarake, kundër barbarisë së Vladimir Putin. Së fundmi, një grua e moshuar në Kiev dyshohet se ka vjedhur municione nga ushtarët rusë ndërsa ata ishin duke fjetur për t’ia dorëzuar më pas ushtarëve ukrainas.
Gruaja më pas fshehu “plaçkën” e saj në një vrimë dhe pak më vonë ua dorëzoi ushtarëve ukrainas, njoftoi agjencia ukrainase e lajmeve UNIAN, duke cituar një video të postuar në Telegram nga këshilltari i Ministrisë së Brendshme të Ukrainës, Anton Herashenko.
Gruaja tha se nuk kishte frikë kur ushtarët rusë hynë në fshatin e saj Peremocha, por vendosi t’i “çarmatoste” dhe t’ua dorëzonte municionet ushtarëve ukrainas kur ata mbërritën së fundmi.
Discussion about this post