Aktorja Mariana Kondi ka komentuar përplasjen me ish-ministren e Kulturës, Mirela Kumbaro gjatë një interviste rreth jetës dhe veprimtarisë së saj. Ajo është shprehur se Kumbaro është e paedukatë dhe heq nga puna njerëzit e aftë, ndërsa drejtorin e institucionit e ka cilësuar si një hiç.
“Drejtori është një hiç, një njeri që është turp ta zësh me gojë. Në fakt, unë derisa të kem frymë do t’i mësoj fëmijët që dikur ka qenë një ministre e Kulturës që vetëm kulturë nuk ka, do t’ju tregoj se si i largonte nga puna njerëzit.
Do t’jua mësoj deri në frymën e fundit. Unë nuk kam nevojë të bëj teatër. Është një punë e shkëlqyer të merresh me fëmijët dhe t’i mësosh se si të aktrojnë. Ama këtë gjë do ta çoj deri në fund se si dikur ka qenë një ministre që hiqte nga puna njerëz të aftë.”, u shpreh Kondi.
Gjatë një mbledhjeje për çështjen e Teatrit Kombëtar mes aktorëve dhe kryetarit të Bashkisë Tiranë, Mariana Kondi dhe Mirela Kumbaro patën një përplasje, ndërsa aktorja e vijoi debatin edhe në rrjete sociale. Më herët ajo është shprehur se ish-ministrja e Kulturës i flet ende edhe pse e hoqi nga puna.
“Ajo me saluton në rruge edhe pse unë i them mos më fol. Ajo thotë që është për kulture por unë i them mos më fol se më ke hequr nga puna”, tregon Mariana.
Discussion about this post