Kreut të PD Lulzim Basha i është ndërprerë fjala disa herë teksa replikonte me ministren e Shtetit për marrëdhëniet me parlamentin Elisa Spiropali dhe akuzonte maxhorancën për korrupsion.
Basha kaloi minutazhin e caktuar, fakt që nxiti kryetaren e Kuvendit Lindita Nikolla, të ngrinte zërin dhe t’i kërkonte Bashës të ndalonte fjalën.
Basha: Toleranca e vetme buron nga kohëzgjatja e shkurtër në atë karrige. Unë nuk përmenda emra, kur flas për korrupsionin mund të çohet treçereku juaj se ndjehen të korruptuar. Unë se përmenda fare, edhe kur i përmend ulin sytë ndër tokë. Zonja 5 milion, mburrej tavolinave se u bë drejtoreshë doganave.
Nikolla: Kjo nuk është procedurë…
Basha: Lëreni propagandën, kur duhet të ishte gjysma prej jush në SPAK, nuk e kam fjalën në godinë, por në kafaz. Lëreni propagandën. Jeni kapur në vjedhjen e shekullit. Koka ka shkuar për peshk me Vuçiç tek Luca më duket prapë.
Nikolla: Mbylleni tani se…
Basha: Po unë e kam para kohën, ose rregulloni kronometrin. Jeni të pastër ju? Eja dalim para SPAK.
Discussion about this post