Një ngjarje e paprecedentë ka ndodhur në avionin e kompanisë “Air France”, pasi dy pilotët janë zënë fizikisht brenda kabinës gjatë udhëtimit Gjenevë-Paris. Fluturimi kishte vazhduar i sigurt dhe avioni kishte zbritur në pistë pa ndonjë problem, ku zyrtarët e kompanisë theksuan se siguria mbetet prioritet për ta.
Sipas mediave zvicerane, piloti dhe kopiloti ishin grindur pak çaste pasi ishin ngritur në ajër, dhe më pas kishte filluar edhe konfrontimi fizik. Aty menjëherë kishte ndërhyrë ekuipazhi, pasi një prej tyre e kishte parë sherrin e pilotëve.
Lajmin për rrahjen u shfaq pasi agjencia franceze për hulumtime të linjave ajrore BEA, publikoi raportin ku thuhet se disa pilotëve të Air France u mungon respektimi i procedurave rigoroze.
Discussion about this post