Të premten zhvillohet derbi i madh i kryeqytetit, Dinamo-Partizani. Një përballje unikale ndërmjet dy skuadrave emblemë të futbollit shqiptar. Partizani kreu stërvitjen e fundit përpara ndeshjes derbi me Dinamonë në kompleksin “Futboll Republic”. Në të njëjtin kompleks u stërvitën edhe lojtarët e Dinamos por edhe të Kukësit.
Seanca stërvitore e Partizanit ishte programuar të zhvillohej në orën 13:00, kur seanca e Kukësit të përfundonte. Por futbollistët zbritën në terrenet stërvitore që në orën 12:15 duke kryer nxehmjen e duke bërë disa ushtrime me topin. Trajneri i Partizanit, Ilir Daja, u kërkoi lojtarëve të tij të mos afrohen te fusha ku po stërvitej Kukësi me lojtarët e kuq që qëndruan në fushën tjetër.
Dinamo është disi më e favorizuar për blutë e drejtuar nga Bledi Shkëmbi, u stërvitën me qetësinë më të madhe dhe vetëm pasi mbaruan seancën e tyre u afruan edhe ekipet e tjera.
Një ngjarje e paprecedentë ku dy kundërshtarë stërviten në të njëjtën fushë një ditë para ndeshjes.
