Xhaxhai i Klodian Çalamanit, monstrës që rrëmbeu dhe vrau në mënyrë makabre 8-vjeçarin Mateo Vasiu, ka folur për mediat, ku ka kërkuar dënim me varje në litar për nipin e tij.
Xhaxha i autorit tha para gazetarëve se 38-vjeçari kishte probleme të vazhdueshme me konsumimin e alkoolit, por jo probleme të shëndetit mendor.
“I bëj thirrje kryetares së parlamentit të kalojnë ligjin me varje. Nipi ka marrë rrugë të keqe, çe do. Nuk e di, nuk e di, jo nuk di që të ketë pasur konflikt me familjen e viktimës. Ashtu siç hyri ashtu dhe doli nga burgu. Dje e pashë që po lëvizte, po kërkonte Mateon, po fliste në telefon. Ai ishte problematik me veten e tij, nuk zihej me njeri ai, vetëm që të mos e ngacmonin. Ka qenë i pirë ai. Pse ta kem frikë unë atë, si kishte bërë gjë njeriu, patjetër që do të shkoj te fëmija e djalit që vdiq. Edhe mbase kanë faj institucionet, vëllai i tij është në burg për drogë, babai ka vdekur shpejt. Ai kur iku e ëma, iku ca kohë me të, por ajo mbajti vetëm çupën. Ai ishte aty kur e kërkonin, a e gjetët a se gjetët, kush ia vuri veshin atij”, u shpreh xhaxhai i autorit.
Për ngjarjen e rëndë kanë reaguar figura të jetës politike dhe publike në vend, duke e konsideruar krimin si diçka tronditëse.
Discussion about this post