Një dy vjeçare është dehur dhe më pas është rrëzuar në një restorant pasi konsumoi verë në vend të lëngut.
Vogëlushja u dërgua në spital, ku u zbulua se niveli i saj i gjakut ishte jashtëzakonisht i lartë, sipas prindërve të saj. Noemi Valencia dhe partneri i saj ishin në një darkë familjare me vajzën e tyre në restorantin japonez Fujiyama në Salinas, Kaliforni në SHBA, kur vajza humbi ekuilibrin dhe u rrëzua.
“Ajo po lëkundej, po rrëzohej, ishte mbështetur në mure, nuk mund ta mbante kokën lart, po i turbullonte fjalët”, tha Noemi.
Mamaja shikoi brenda filxhanit me lëng të vajzës së saj, e cila kishte ardhur me kapak, dhe pasi e nuhati, e kuptoi që ishte alkool.
Noemi dhe partneri i saj e çuan fëmijën me nxitim në spital, ku testet zbuluan se niveli i saj i alkoolit në gjak ishte 0.12%, gati dyfishi i kufirit ligjor të vozitjes për të rriturit.
Një menaxher në restorant tha se kamarieri i kishte dhënë aksidentalisht vogëlushes verë gatimi të bërë në shtëpi, e cila ishte etiketuar gabimisht si lëng molle.
Noemi u bëri thirrje prindërve të provojnë atë që i japin fëmijëve të tyre dhe i bën thirrje restorantit të marrë masat e duhura.
Departamenti i Kontrollit të Pijeve Alkoolike në Kaliforni tha se ishte në dijeni të ‘raporteve’ të incidentit dhe po punon me autoritetet lokale për të hetuar.
Discussion about this post