Skuadra e Partizanit e nisi me këmbën e mbarë fazën e dytë të kampionatit shqiptar. Kryeqytetasit mundën në “Elbasan Arena” skuadrën e Teutës, kampionen në fuqi të Shqipërisë. Megjithatë ky sukses nuk mjaftoi që tifozët e Partizanit të gëzonin. Në përfundim të ndeshjes tifzoët që kishin udhëtuar nga kryeqyteti thirrën lojtarët në tribunën ku ata ishin akomoduar ku u zhvillua një debat me tone të ashpra.
Në këtë grumbullim u afrua edhe Olsi Rama, drejtori i përgjithshëm i klubit por tifozët e sinjalizuan që ai të largohej pasi konsiderohet si i “padëshiruar” për ultrasit e kuq. Pas disa minutash bisedime tifozët e Partizanit kanë duartrokitur lojtarët të cilët janë drejtuar më pas drejt e në dhomat e zhveshjes.
Discussion about this post