E pëson keq 50-vjeçari nga Tirana, ja çfarë i gjeti policia fshehur në banesë

Policia e Tiranës ka vënë në pranga një 50-vjeçar.

Ai do të akuzohet për veprat penale “Kontrabanda me mallra për të cilat paguhet akcizë” dhe “Fshehja e të ardhurave”.

Sipas njoftimit të uniformave blu, shtetasi me iniciale I. Sh, kishte fshehur nën tokë 2 depozita të mbushura me naftë.

“Specialistët e Seksionit për Hetimin e Krimit Ekonomik dhe Financiar, në vijim të punës për parandalimin, evidentimin dhe goditjen e paligjshmërive, kanë goditur një rast tjetër të kontrabandës së mallrave, si dhe kanë proceduar penalisht shtetasin– I. Sh., 50 vjeç, banues në rrugën “Kasëm Shima”, Tiranë, për veprat penale “Kontrabanda me mallra për të cilat paguhet akcizë” dhe “Fshehja e të ardhurave”.

Gjatë kontrollit të ushtruar nga shërbimet e Policisë, në ambientet e jashtme të banesës së shtetasit I. Sh., janë konstatuar 2 depozita të vendosura nën tokë, të mbushura me naftë.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale”, thekson policia në informacionin zyrtar.