Në vitin 2018, kryebashkiaku i Erion Veliaj bëri reklamë për shumë ditë hapjes së Wi-Fi falas në Sheshin Skëndërbej, Parkun “Rinia”, Sheshi “Nënë Tereza” dhe Fusha e Aviacionit. Asaj kohe Veliaj deklaroi se do të mbulohet me internet falas e gjithë Tirana. Ky ishte një premtim elektoral, që ende edhe sot mbetet i parealizuar.
Sot, pas 4 vitesh, vetëm në dy zona të Tiranës mund të gjesh WiFi free, por edhe në ato raste rrjeti është shumë i ngadaltë. Këtë edhe vetë Veliaj e di, sepse e ka futur sërish në premtimet e tij Wi-Fi falas në Sheshin Skënderbej.
Bëhet fjalë për tenderin me objekt “Zhvillimi dhe rritja e kapaciteteve të infrastrukturës për ofrimin e shërbimit Wifi në ambientet publike të Tiranës”, me vlerë 120 milionë lekë.
“Ky shërbim shtrihet edhe në 14 hapësira të tjera publike të tilla si Sheshi Skënderbej, Pazari i Ri, godinat e studentëve tek Fakulteti Inxhinierisë së Ndërtimit, terminalet e autobusëve si kombëtar dhe ata që ofrojnë shërbimin ndërkombëtar, pranë Liqenit Farkës, Ali Demi, Kinostudio, Kombinat dhe tek Liqeni Artificial”, thuhet në tender.
Por, duke qenë se ky është një premtim i përsëritur dhe nuk “pi më ujë” në vitin 2023, Veliaj ka theksuar se do të shtojë pajisjet nëpër Tiranë që interneti të shpërndahet me cilësi sa më të mirë.
Denoncimi
Nuk e dimë se sa do të mbahet ky premtim apo do të mbetet sërish në letër. Sepse prokurimi ka përfunduar në KPP. Ankesa është bërë me datë 5 maj 2023 nga firma AlbaScan. Kompania denoncon se Autoriteti Kontraktor ( AK) në hartimin e tenderit ka vendosur kriteret që nuk janë të qarta dhe lënë vend për interpretimet. Jo vetëm kaq, por duke mos përcaktuar saktë llojin e punës, numrin e pajisjeve, shërbimin që do të kryhet, ky tender lë hapësira për shtim të kostos gjatë vënies në praktikë
“AK përcakton dhe kërkon një numër pajisjesh nga njëra anë, ndërkohë nga ana tjetër lë të kuptojë që ky numër dhe mund të ndryshojë, por pa dhënë asnjë informacion se sa mund të jetë përqindja e këtyre sasive të shtuara. AK përcakton që OE (operatori Ekonomik) do të jetë përgjegjës për kryerjen e punimeve civile, marrjen e leje përkatëse por nuk jep as të dhënat minimale se çfarë nënkuptojnë këto dhe se çfarë përfshihen.
Sjellim në vëmendje të AK që këto kërkesa kaq të papërcaktuara mund të çojnë në kosto tepër të larta dhe të panjohura”, thuhet në ankesë.
Kjo ankesë na tregon qartë që edhe këtë herë Veliaj nuk po kujdeset që të japë akses për internet në të gjithë Tiranës, por si të vjedhë më lehtë ca para përpara se të mbyllet ky mandat.
Discussion about this post