Emërimi i Damian Gjiknurit si drejtues politik në Elbasan duket qartë se i ka krisur marrëdhëniet e tij me paraardhësin Taulant Balla. Kjo u vu re edhe gjatë ceremonisë për festën e pavarësisë në Elbasan, ku ishte i pranishëm Gjiknuri, por mungonte Taulant Balla.
Gjiknuri u shfaq i buzëqeshur para gazetarëve, por një pyetje për Taulant Ballën ia ngriu buzëqeshjen, duke e bërë dhe nervoz. Gazetarët me të drejtë e pyetën se “sot Taulant Balla nuk ishte në Elbasan mos është ndonjë mesazh për t’i treguar se ky është territor i Damian Gjiknurit?” Ndërsa Gjiknurit nuk i shkoi për shtat kjo pyetje dhe i nervozuar u përgjigj: Pyesni Zotin Taulant Balla për këtë, mos më bëni më pyetje të tilla! Megjithatë, kjo veçse konfirmoi përplasjen mes Gjiknurit dhe Ballës, të cilët siç duket kanë shpallur një luftë të ftohtë brenda PS për ndarjen e territoreve.
Sekretari i Përgjithshëm i PS-së Damian Gjiknuri iu përgjigj interesit të gazetarëve edhe për procesin e vetingut në polici, ku përsëriti të njëjtin qëndrim si herët tjera. Ndërsa i pyetur nëse Ismail Qemali do të ishte krenar apo jo me Shqipërinë e sotme, Gjiknuri refuzoi të jepte një përgjigje, teksa më pas e quajti emigracionin një fenomen normal edhe pse Shqipëria po shpopullohet.
Discussion about this post