Policia ka dalë me njoftim zyrtar për ngjarjen e rëndë në Fier ku Petrit Manaj qëlloi pesë herë me thikë duke i marrë jetën gruas së tij 50-vjeçarja Valdete Manaj, ndërsa tenbtoi të fshihet krimin.
Ngjarja e rëndë ndodhi mëngjesin e sotme në fshatin “Sheq i Madh” në Fier, ku fillimisht u raportua se viktima kishte vrarë veten dhe ishte kunati i saj që njoftoi policinë, por hetimi ka treguar të kundërtën. Pas krimit, bashkëshorti i viktimës ka shkuar në lokal dhe ka ngrënë bukë, që ta shikonin të tjerët.
Kur është kthyer në banesë, ai ka thënë se e ka gjetur gruan të vrarë, duke njoftuar vëllanë e tij, i cili ka njoftuar edhe policinë. Por, kur autori i krimit është pyetur nga policia për rrethanat, është bërë nervoz, duke ngjallur dyshime te policia, që nga ana e saj, ka zbuluar të vërtetën.
Sipas fqinjëve, çifti nuk ka pasur probleme, ndërsa një ditë më parë është larguar nga banesa drejt Gjermanisë djali i tyre. Mësohet se viktima punonte shitëse në një dyqan në qytetin e Fierit, ndërsa bashkëshorti i saj ishte punonjës në shërbimet komunale.
Discussion about this post