Kryeministri i Kosovës, Albin Kurti i është përgjigjur ministrit serb, Vulin pasi ky i fundit e cilësoi si budalla.
Kurti sqaron se Vulin nuk e ka vetëm me të, por dhe me Zv/Ndihmës Sekretarin e Shtetit për Evropën Jugore dhe Qendrore, Gabriel Escobar.
“Së pari fluturaket serbe duket që janë përgjigje edhe ndaj deklaratës së Escobar që tha se nuk bën të militarizohet situata dhe ata filluan që të përdorin avionë ushtarakë. Pra këtu thua se nuk e kanë veç me neve.”
Ai thotë se Vulin dikur i quajtur Jul ka qenë zëdhënës i partisë së gruas së Millosheviçit dhe madje e cilësonte ish-Presidentin e Jugsllavisë si jo mjaftueshëm radikal.
“Ndërkaq së dyti, Vulin mjafton të thuhet për të se ka qenë zëdhënës i partisë së gruas së Millosheviçit që aso kohe është quajtur Jul dhe i përkiste atyre zyrtarëve serbë që e konsideronte që Millosheviçi nuk është mjaftueshëm radikal. Pra besoj që kjo e shpjegon plotësisht se për kë bëhet fjalë dhe çka thotë kur thotë atë që ju e parafrazuat”, tha Kurti.
Situata ka filluar që kur Kosova nisi zbatimin e reciprocitetit për targat mes të dyja vendeve, gjë që nuk është pritur mirë nga Serbia. Kjo ka bërë që pala serbe të risë tensionet dita ditës, duke dërguar edhe ushtrinë në kufi me Kosovën.
