E rëndë, 45-vjeçari shqiptar i pret kokën nënës me sëpatë

Një ngjarje e pazakontë ka ndodhur ditën e sotme në fshatin Sellcë të Tetovës.

Shkak për këtë ngjarje të tmerrshme është se një 45 vjeçar nga ky fshat ka vrarë nënën e tij, teksa ia ka prerë kokën me sëpatë.

45-vjeçari me inicialet U.D. e kishte vrarë nënën e tij 73-vjeçaren me iniciale, N.D., diku tre muaj pasi ishte liruar nga spitali psikiatrik i Bardovcës.

Bëhet me dije se drejtori i psikiatrisë në Shkup, Qamil Kovaqi, ka thënë që pacienti me vetiniciativë ka kërkuar që të lirohet nga spitali në datën 21 shkurt të këtij viti.

45 vjeçari ishte trajtuar me ndërprerje nga viti 2009, ndërkaq nga viti 2017 ishte trajtuar në këtë spital.