Benjamin Mendy pezullohet nga Manchester City. Mbrojtësi akuzohet nga policia angleze për katër akuza për përdhunim dhe një akuzë për sulm seksual.
Policia ka lëshuar një deklaratë, ku konfirmon akuzën për lojtarin.
“Benjamin Mendy, 27 vjeç, është akuzuar për katër akuza për përdhunim dhe një akuzë për sulm seksual”.
“Akuzat lidhen pas raportimeve të tre vajzave mbi 16 vjeçe dhe pretendohet se këto ngjarje kanë ndodhur midis tetorit 2020 dhe gushtit 2021”.
“Mendy është paraburgosur në polici dhe do të paraqitet në Gjykatën e Chester të premten më 27 Gusht”, thuhet në njoftimin.
Në anën tjetër edhe klubi ka dalur me një deklaratë, ku tregon që e ka pezulluar lojtarin: ”Manchester City mund të konfirmojë se pas akuzimit të tij nga policia sot, Benjamin Mendy është pezulluar në pritje të një hetimi”.
“Çështja do t’i nënshtrohet një procesi ligjor dhe për këtë arsye klubi nuk është në gjendje të bëjë komente të mëtejshme derisa ai proces të përfundojë”.
