Banorët e Astirit janë tronditur pas mesnate pasi një familje është bllokuar në ashensor, i cili më pas ka rënë duke shkaktuar panik te të gjithë banorët. Dëshmitarët thanë se ashensori kishte 5 persona brenda, mes tyre një grua shtatzënë dhe një fëmijë i mitur. Këta të fundit ishin dhe ato që mbetën më shumë të lënduar nga ngjarja e rëndë.
Banorët kanë lajmëruar policinë e cila hasi vështirësi për nxjerrjen e familjes nga ashensori. Pas operacionit familja u nxor nga ashensori dhe u dërguan në spital me ambulancë për të marrë ndihmë mjekësore.
Paraprakisht dyshohet se ashensori pësoi një defekt, por do të jenë hetimet ato që do të zbulojnë shkakun e vërtetë të aksidentit që i rrezikoi jetën një familjeje.
