Një ngjarje e rëndë është regjistruar në Itali, ku një biznesmen shqiptar ka vrarë një shtetas italian. Sipas mediave fqinje, viktima është identifikuar si Tommaso Dini 50-vjeç, agjent imobilar dhe biznesmen. Ai është goditur disa herë me thikë nga shqiptari Ilir Leba, 47 vjeç, i cili drejton një kompani ndërtimi.
48-vjeçari është vënë në prangat e policisë italiane pasi akuzohet se është autori i këtij krimi të rëndë. Fillimisht dy burrat janë konfliktuar me fjalë, më pas sherri ka degraduar në konflikt fizik. Biznesmeni italian u shtrua në spital po nuk mundit t’u mbijetonte plagëve të rënda që kishte marrë.
Ata që kanë qenë dëshmitarë të skenës kanë thirrur menjëherë ndihmë. Burri kishte lëndime në gjoks dhe këmbë kur mbërriti në spital. Më pas ishte një operacion delikat, i cili u zhvillua mëngjesin e së dielës, por pavarësisht kësaj 50-vjeçari italian ndërroi jetë.
Shkak i sherrit dyshohet të kenë qenë mosmarrëveshjet në vendin e punës mes agresorit dhe viktimës. I arrestuari është ortak në një kompani ndërtimi së bashku me vëllain e tij. Ai jeton prej shumë vitesh në Itali dhe ka disa procedime në policinë italiane.
Discussion about this post