Autoritetet në shtetin amerikan të Georgias kanë konfirmuar se tre persona u vranë nga të shtënat gjatë një grabitjeje në një poligon në distriktin rural të Koveta, 80 kilometra në juglindje të Atlantës.
Administrata e policisë në qytetin Grantville njoftoi në Facebook se grabitja ndodhi të premten mbrëma.
Kur policia mbërriti në vendngjarje rreth orës 20:00, zbuloi se pronari i kompanisë Lock Stock & Barrel Shooting së bashku me gruan dhe nipin e tij ishin vrarë.
Janë marrë rreth 40 armë dhe një video kamera sigurie, raporton cnn.
Departamenti i FBI-së në Georgia mori përsipër hetimin, dhe Byroja për Alkool, Duhan, Armët e Zjarrit dhe Eksplozivët u thirr për shkak të sasisë së armëve të marra.
Policia është në kërkim të dëshmitarëve dhe deri më tani nuk ka njoftuar për ndonjë arrestim.
Discussion about this post