Dy aksidente të rënda në punë kanë ndodhur në Sarandë, ku dy të rinj kanë rënë nga lartësia duket pësuar plagë të rënda. Dy personat e plagosur rëndë janë transportuar brenda pak orësh të plagosur në urgjencën e spitalit “Stefan Mekshi” në Sarandë.
Burimet policore bëjnë me dije se rasti i parë ka ndodhur në Borsh. “Nga Borshi ka ardhur i plagosur Jurian Gjini, 28 vjeç, banues në Lushnjë. Ai mësohet se kishte rënë nga një pemë dhe ndodhet në kujdesin e mjekëve”, deklaroi policia.
Ndërkohë në spital ka mbërritur i plagosur edhe Aqif Garo, 40 vjeç, banues në fshatin Çukë të Sarandës. Garo mësohet se ka rënë nga tarraca e një objekti, të cilin ishte duke e pastruar. I plagosuri ka dëmtime në pjesën e gjoksit. Policia ndërkohë ka nisur hetimet për te dyja ngjarjet.
Discussion about this post