E rëndë, ekzekutohet me thikë futbollisti 23-vjeçar

Një futbollist 23-vjeçar është vrarë me thikë gjatë një përleshjeje pas një feste në Bermuda të dielën mbrëma.

Osagi Bascome, raportohet nga mediat britanike, se u godit me thikë shumë herë gjatë një sherri pranë një restoranti në Bermuda, gjë që i mori jetën.

Ai kishte nënshkruar me klubin Bristol City më 2017 dhe kishte luajtur për ekipin U 23, ndërsa i dha fund karrierës në futbollin anglez në Darlington në National League.

Policia në Bermuda bëri me dije se vrasja e tij nuk ka ndonjë lidhje me grupe mafioze, ndërsa u ka bërë thirrje dëshmitarëve të japin informacione rreth kësaj vrasje.

“Kemi nevojë për informacione nga kushdo që ishte në festë,  por tani për tani njerëzit që ishin atje nuk po flasin”,-thuhet në komunikatën e autoriteteve vendase.

Rikujtojmë se Bascome i kishte bërë 18 paraqitje për Bermudën, duke e shënuar një gol kundër Saint Maarten./K.T/Gijotina.com