E rëndë në Berat, gjendet i vdekur një 23-vjeçar

Një ngjarje e rëndë raportohet në Berat. Burime bëjnë me dije se një 23- vjeçar është gjetur i vdekur.

Viktima është identifikuar me emrin Llazar Palla i cili është gjetur i pajetë ditën e sotme në Berat. 23-vjeçari rezultoi i zhdukur katër ditë më parë. Ka qenë familja e tij që ka bërë ditë më parë denoncimin për të riun, i cili ishte shurdh-memec dhe trajtohet me “kemp”.

Familjarët e tij kërkuan ndihmën e policisë për gjetjen e 23-vjeçarit, i cili u pa për herë të fundit pranë rezervuarit të fshatit Sqepur.

Nuk dihet ende arsyeja se përse i riu u gjet i pajetë. Pritet të zbardhen detaje pas analizës mjekoligjore.