E rëndë në Durrës, i moshuari var veten në një pemë

Një ngjarje e rëndë është shënuar pasditen e sotme në Durrës. Burime nga policia bëjnë me dije se një person është gjetur i pajetë.

Të njëjtat burime bëjnë me dije se viktima është një 61-vjeçar me iniciale I. A., dhe sipas policisë, dyshohet se i ka dhënë fund jetës duke u varur në pemë. Ngjarja është raportuar rreth orës 14:10, në lagjen nr.15.

Nuk dihet ende nëse 61- vjeçari jetonte vetëm apo më familjarët e tij. Pritet gjithashtu të zbardhen detaje pas ekspertizës mjekoligjore, nëse i moshuari vuante nga probleme të shëndetit mendor.

Në pyetje do të merren edhe të afërmit, për të zbuluar motivin e këtij akti të rëndë.

Grupi hetimor ndodhet në vendngjarje dhe po punon për sqarimin e rrethanave të ngjarjes.