Një ngjarje e rëndë është shënuar në Greqi. Burime nga mediet e vendit fqinj bëjnë me dije se një 16-vjeçar ka vrarë aksidentalisht me armën e gjahut xhaxhanë e tij, ndërsa me pas ka tentuar vetvrasjen, duke qëlluar veten. Burime gjithashtu bëjnë me dije se gjendja shëndetësore e 16-vjeçarit, mbetet kritike. I riu iu nënshtrua një operacioni në spitalin e Artës pasi ka pësuar dëmtime të rënda në gjoks dhe qafë dhe orët në vijim konsiderohen vendimtare për gjendjen e tij shëndetësore.
Gjithçka nisi kur një grup prej 8 gjuetarësh i përbërë nga të afërm, nisën të kërkonin pre. Në këtë kohë, 16-vjeçari ka qëlluar aksidentalisht dhe ka vrarë xhaxhain e tij 33-vjeçar. Më pas ai dyshohet se nuk e duroi dot humbjen dhe e ktheu armën drejt vetes, duke dashur t’i jepte fund jetës.
Pjesëtarët e tjerë të gjuetisë, mes tyre babai dhe vëllai i 16-vjeçarit, kanë njoftuar menjëherë policinë dhe ambulancën. Tragjedia e rëndë është regjistruar pak pas orës pesë e gjysmë të pasdites së të dielës në digën e vogël të Artës.
Marrë nga cnn.gr
Discussion about this post