Një vrasje brutale ka ndodhur në Ampelokipi të Athinës. Sipas informacioneve, një burrë me origjinë shqiptare ka vrarë gruan e tij në Ampelokipi dhe ka lajmëruar policinë duke thënë se e ka vrarë dhe se e ka në papafingo prej një jave trupin e pajetë.
Vrasja ka ndodhur në rrugën Lakonias 19, në Ampelokipi. 39-vjeçari thirri autoritetet për të shkuar në banesë dhe për të gjetur kufomën. Sapo ata janë futur në banesë, kanë ndjerë një aromë të rëndë dhe, pasi janë ngjitur në papafingo, kanë gjetur çanta të zeza ku ishte fshehur trupi i gruas. Ngjarja duhet të ketë ndodhur më 29 nëntor 2024. Dyshohet krimi është kryer kur dy fëmijët e çiftit kanë qenë në shkollë.
Fëmijët nuk kanë kuptuar asgjë, ndërsa ditën e sotme ka qenë vetë ai që ka njoftuar policinë dhe ka dëshmuar krimin tronditës.
Para efektivëve ai ka deklaruar se e ka vrarë pasi ishte xheloz.
gijotina.com/
Discussion about this post