Një ngjarje tronditëse ka ndodhur së fundmi në Itali. Bëhet fjalë për një burrë e grua me origjinë shqiptare, të cilët janë gjetur të vrarë me thikë në shtëpinë e tyre në Spinea të Venecias. Karabinierët zbuluan fillimisht trupat, të lajmëruar nga vajza e gruas e cila nuk kishte mundur të kontaktonte me të ëmën që pasdite.
Dyshimet e para ishin për një rast vrasje-vetëvrasjeje, por më pas u zbulua një vrasje e dyfishtë. Karabinierët janë në kërkim të një personi të tretë.
Në vendin e ngjarjes, hetuesit kishin gjetur një armë zjarri dhe një thikë. Dy bashkëjetuesit do të merrnin plagë vdekjeprurëse me thikë. Ndërhyrja e policëve të Armës në shtëpi ka ndodhur rreth orës 22 të së dielës. Personi që ata po përpiqen të gjurmojnë mund të jetë ish-burri i gruas, një bashkatdhetar.
Discussion about this post