Italia gjithashtu është përfshirë nga moti i keq. Në disa zona janë shënuar edhe përmbytje të mëdha. Mësohet se një nga të zhdukurit në shtetin fqinj është gjetur pas orëve të tëra kërkimi. Ndërkohë autoritet vijojnë kërkimet për gjetjen e Maias 8 vjeçe dhe Brunella Chiù 56 vjeçe, e cila ishte në makinë me vajzën e saj.
Mediat italiane raportojnë se është gjetur trupi i pajetë, i cili mendohet të jetë 47-vjeçari nga Acervia, makina e të cilit u fjet të premten në lumin Misa.
Moti i keq me reshje të dendura shiu dhe stuhi përfshiu ditën e djeshme rajonin e Ankonës në Itali. Në videot e shpërndara në mediat italiane shihej se si uji vërshonte në rrugët e qytetit duke marrë përpara gjithçka. Si pasojë e përmbytjeve kryeministri italian Mario Draghi akordoi një fond prej miliona eurosh për t’u ardhur në ndihmë autoriteteve atje ndërkohë që pritet ta vizitojë dhe vetë zonën. Deri më tani Policia njofton se numri i viktimave ka arritur në 11 ndërkohë vijon kërkimi dhe për dy të zhdukur të tjerë.
Discussion about this post