E rëndë në Kombinat/ 28-vjeçari i ngul thikën të riut

Një plagosje me thikë ka ndodhur mbrëmjen e djeshme në zonën e Kombinatit.

Raportohet se M. Gj., 28 vjeç, banues në Tiranë, është shpallur në kërkim pasi ditën e djeshme, në Kombinat, rreth orës 21:00, ka goditur me mjet prerës personin e identifikuar me iniciale D. M., 18 vjeç, i cili ndodhet në spital, jashtë rrezikut për jetën.

“Specialistët për Hetimin e Krimeve në Komisariatin e Policisë Nr. 6 kanë referuar materialet në Prokurori dhe po punojnë për kapjen e shtetasit M. Gj., 28 vjeç, banues në Tiranë, pasi ditën e djeshme, në Kombinat, rreth orës 21:00, ka goditur me mjet prerës shtetasin D. M., 18 vjeç”, njofton policia.

Pritet të zbardhen detaje pas marrjes në pyetje të të plagosurit.