Një ngjarje e rëndë ka ndodhur në fshatin Korishë të Prizrenit, ku nga përplasja e një automjeti dhe një biçiklete të cilën e drejtonte një fëmijë dhe kishte shoqërues një tjetër minoren, ka ndërruar jetë njëri prej tyre.
“Ka ndodhur një aksident trafiku ku të përfshirë kanë qenë një automjet me targa vendore me drejtues mashkull kosovar dhe një biçiklete me drejtues një fëmijë i cili ka qenë i shoqëruar me një fëmijë tjetër në cilësinë e pasagjerit. Si pasojë e aksidentit të dy fëmijët-viktimat meshkuj kosovarë kanë pësuar lëndime trupore”, thuhet në raport.
Policia njofton se njëri nga fëmijët ishte dërguar në Spitalin e Prizrenit, kurse tjetri ishte sjellë në QKUK.
“Njëri prej tyre është hospitalizuar në Repartin Ortopedik në Prizren, ndërsa tjetri është transferuar në QKUK-së . Më datë 25.08.2024-01:28 viktima e cila ka qenë në trajtim mjekësor në QKUK ka ndërruar jetë. Me vendim të prokurorit kujdestar, i dyshuari është dërguar në mbajtje, ndërsa trupi i pa jetë dërgohet në IML për autopsi”, ka njoftuar policia.
Discussion about this post