Një ngjarje e rëndë është shënuar në Maliq rreth orës 20:40 të ditës së sotme. Një 62-vjeçar është gjetur i pajetë nga familja e tij, larg nga banesa ku jetonte. Sipas njoftimit nga policia mësohet se i moshuar është vetëvarur në një shtyllë, ndërsa nga këqyrja paraprake në trupin e viktimës nuk janë konstatuar shenja dhune.
Viktima mësohet se vuante nga depresioni, ndërsa ngjarja ka ndodhur në fshatin Podgorie të Maliqit. Grupi hetimor po punon për zbardhjen e plotë të rrethanave.
“Më datë 28.12.2021, rreth orës 20:40, në fshatin Podgorie, Maliq, është gjetur nga familjarët, i vetëvarur në një shtyllë, larg banesës së tij, shtetasi R. Ç., rreth 62 vjeç. Nga këqyrja paraprake e trupit të viktimës, nuk janë konstatuar shenja dhune dhe nga deklarimet e marra familjarëve, rezulton se ky shtetas vuante nga depresioni”, thuhet në njoftimin e policisë.
Discussion about this post