E rëndë në Tiranë, e reja me probleme mendore tenton të vetëhidhet nga kati i dytë i banesës

Një ngjarje e rëndë është shënuar mbrëmjen e sotme në Tiranë. Një 26-vjeçare me probleme mendore ka tentuar të vetëhidhet nga kati i dytë i banesës.

Ngjarja ka ndodhur te Komuna e Parisit, në rrugën “Mihal Popi”.

E reja është identifikuar me iniciale K. E., dhe dyshohet se vuan nga probleme të shëndetit mendor.

Nuk dihet ende nëse incidenti ka ndodhur në prani të familjarëve të të resë.

Pritet të zbardhen detaje pas marrjes në pyetje të tyre.

Grupi hetimor ndodhet në vendngjarje dhe po punon për sqarimin e rrethanave të ngjarjes.