Një ngjarje e rëndë ka ndodhur mbrëmjen e sotme në fshatin Baks të Komunës së Skenderajt në Kosovë, ku një person ka vdekur pas të shtënave me armë zjarri.
Lajmin e rëndë e ka konfirmuar zëdhënësja e policisë së Kosovës për rajonin e Mitrovicës së Jugut, Fexhrije Pllana, e cila tha se nga të shtënat me armë zjarri janë plagosur tre persona, ku njëri nga ta nuk arriti që t’u mbijetojë plagëve të marra.
Gjithashtu, nga ana tjetër bëhet me dije se i vrarë ka mbetur qytetari me inicialet B.M, 47 vjeçar. Ngjarja është raportuar në Polici rreth orës 19:04.
Sipas saj, dy të plagosurit tjerë janë jashtë rrezikut për jetë dhe janë dërguar në QKUK për trajtim mjekësor.
Discussion about this post