E rëndë, u rrëzua nga biçikleta, humb jetën 17- vjeçarja në Tiranë

Një ngjarje e rëndë është raportuar pasditen e kësaj të shtune në Tiranë.

Burime nga policia për gijotina.com bëjnë me dije se ngjarja ka ndodhur rreth orës 14:25, në fshatin Maknor, Pezë.

Të njëjtat burime bëjnë me dije se sipas familjarëve është rrëzuar aksidentalisht nga biçikleta, 17 – vjeçarja e identifikuar me iniciale  R. D.

Si pasojë ka marrë dëmtime dhe ka ndërruar jetë në QSUT.

Nuk dihet ende nëse kjo ngjarje ka ndodhur në prani të personave të tjerë. Grupi hetimor ndodhet në vendngjarje dhe po punon për sqarimin e rrethanave të aksidentit.