Familjarët e Kleviol Ahmetajt, i njohur ndryshe dhe si Cllevio, kanë dërguar një denoncim në redaksinë e Fax News, ku thonë se djali i tyre po mbahet në kushte mizerabël në burgun e Fierit.
Sipas tyre, Cllevio ka katër ditë me të vjella, dhe refuzon që të hajë ushqim, dhe të marrë medikamentet e nevojshme, për kurimin e traumave pasi u dhunua fizikisht nga Noizy, babai i tij, dhe miq të tjerë të reperit.
Ahmetaj u arrestua pas sherrit, pasi sipas policisë kishte thyer masën e arrestit të shtëpisë. Fillimisht u tha se gjykata e kishte lënë sërish në të njëjtën masë sigurie, por familjarët e tij e mohojnë këtë fakt.
“Kleviol Ahmetaj me emrin Artistik Cllevio po keqtrajtohet në paraburgim e Fierit. I burgosuri është me të vjella në greve urie për rreth 4 ditë dhe nuk i jepet asnjë mjekim. Çdo gjë është faktuar në regjistrin e burgut. Dhoma në të cilën qëndron Cllevio është në kushte mizerabël. Asnjë trajtim shëndetësor në gjendjen në të cilën ndodhet Kleviol Ahmetaj nuk i jepet mundësia të ankohet në asnjë institucion. SH.K.B, Ministri i Drejtësisë, Gjykata e Krimeve të Rënda duhet të ndërhyjnë menjëherë në lidhje me këtë çështje”, thuhet në mesazhin e familjarëve të tij./faxnews
Discussion about this post