Në gjendje të rënduar psikologjike nëna e një djali 16-vjeçar të vrarë me thikë në një park në Londër ka rrëfyer përjetimin e vrasjes së të birit. Ajo është zotuar të kthehet në vendlindjen e saj Rumani, sepse kryeqyteti është shumë i rrezikshëm.
“E solla këtu kur ishte shtatë vjeç për t’i dhënë një të ardhme më të mirë, tani ai do të kthehet në Rumani në një arkivol. Nëse ai do të kishte qenë një fëmijë agresiv, ose në një bandë apo diçka tjetër, ndoshta ne nuk do të ishim kaq të shkatërruar. Më duket sikur dua të iki nga ky vend dhe të kthehem në Rumani me fëmijën tim që më ka mbetur ende. Ne donim të largoheshim nga Londra para se të vdiste, sepse nuk është e sigurt. Nuk është një vend për të rritur fëmijë”, është shprehu ajo.
Ionut Elvis Tacu, i njohur si Elvis, u vra në një park në Yieësley pranë Uxbridge, në veriperëndim të Londrës, në mbrëmjen e 30 dhjetorit.
“Ai nuk ishte aspak agresiv. Ai kurrë nuk kishte ardhur në shtëpi i rrahur dhe asgjë e tillë nuk i kishte ndodhur kurrë, pastaj papritur u vra” u shpreh e ëma.
Elvis Nacu ishte adoleshenti i 30-të që u vra në kryeqytet në vitin 2021, duke e çuar numrin e frikshëm në nivelin më të lartë që nga Lufta e Dytë Botërore. Elvisi kishte jetuar në Ëest Drayton me Mihaelën, burrin e saj dhe vëllain e tij tre vjeç e gjysmë.
Një faqe GoFundMe e krijuar nga një mik i familjes për të mbledhur fonde për ta çuar trupin e tij përsëri në Rumani, ka mbledhur më shumë rreth 10,000 £. Claudia Martonfi, e cila krijoi faqen e mbledhjes së fondeve, shkroi: “Familja është e shkatërruar dhe asnjë fjalë nuk mjafton për t’i ngushëlluar, kur shumica prej nesh po përgatiteshin për të festuar Vitin e Ri, bota e tyre u shpërbë me vdekjen e djalit të tyre”.
Discussion about this post