Mauricio Pochettino është i interesuar për punën e Manchester United dhe madje mund të largohet nga Paris Saint-Germain në mes të sezonit, raporton agjencia e lajmeve PA.
United shkarkoi Ole Gunnar Solskjaer të dielën dhe ka paraqitur planet për të emëruar një trajner të përkohshëm deri në fund të sezonit.
Ish-trajneri i Southampton dhe Tottenham, Pochettino kuptohet se është i hapur për një largim nga Parisi dhe madje do të konsideronte një ndryshim të shpejtë.
Pochettino kuptohet se vlerësohet shumë nga Manchester United dhe duket se ka hasur në vështirësi me organizimin jashtë fushës në PSG raporton ‘Daily Mail’.
49-vjeçari drejtoi Tottenhamin në finalen e Champions League në 2019 në kulmin e pesë viteve të tij në veri të Londrës dhe mendohet se është i etur për një rikthim në Premier League.
Pochettino do të jetë në veriperëndim të Anglisë këtë javë kur PSG do të udhëtojë te Manchester City për ndeshjen e fazës së grupeve të Champions League.
Trajneri i Parisit pa dyshim do të përballet me pyetje për çdo interes të mundshëm nga United, përpara përballjes me rivalët e ashpër të derbit të ‘Djajve të Kuq’.
Erik Ten Haag i Ajax-it dhe trajneri i Leicesterit, Brendan Rodgers do të hyjnë në garë për një emërim në Man Utd./K.T/Gijotina.com
Discussion about this post