Një ngjarje e tmerrshme ka ndodhur në SHBA, pasi një lojë nisur për rrjetet sociale ka rezultuar fatale për një 5-vjeçar. Një grup fëmijësh po luanin me armë për të bërë video për rrjetet socialen dhe duke e mbajtur atë një 13-vjeçar qëlloi me një plumb duke vrarë një djalë 5-vjeçar.
Nga mediet amerikane bëhet me dije se, policia e mbërritur në vendngjarje arrestoi 13-vjeçarin, i cili tashmë ndodhet i mbyllur në një burg për të mitur në pritje të zhvillimit të hetimeve.
Kjo ngjarje ka rindezur debatin për rrezikun e armëve në Amerikë, vendi që ka numrin më të madh të armëve të zjarrit në qarkullim në botë, mbi 395 milionë, ose gjysmën e atyre që mbahen nga civilet në të gjithë botën.
44% e të rriturve në SHBA jetojnë në një familje që zotëron armë ose pushkë legalisht ose ilegalisht. Madje viti 2021 regjistron një bum të ri në shitje, me një rritje prej 20% të kërkesave për kontrolle të kryera nga tregtarët se kush blen armë për të parë nëse blerësi ka precedentë penalë ose vuan nga çrregullime mendore. Një numër kërkesash që nuk kanë qenë aq të larta për të paktën dhjetë vitet e fundit.
Discussion about this post