Mediat lokale indiane publikuan një video që tregon momentin kur një makinw rrokulliset nga një shkëmb dhe bie në një pjesë të liqenit pranë ujëvarës.
Ngjarja ka ndodhur në shtetin indian të Madhya Pradesh, më saktë të dielën pranë ujëvarës Lodhiya Kund, e cila është e famshme për vendndodhjen e saj të njohur turistike.
Mediat lokale raportuan se një vajzë adoleshente ishte në makinw në atë moment dhe se babai i saj ra në ujë, ndërsa përpiqej ta shpëtonte.
“Disa njerëz janë hedhur për të shpëtuar babanë dhe vajzën. Nuk u raportuan lëndime serioze”, shkruan BBC.
Ndërkohë, policia indiane bëri të ditur se aksidenti është shkaktuar nga pakujdesia, pasi makina ka qenë e parkuar shumë pranë ujit ose një shkëmbi 15 metra të lartë.
Sipas njoftimit të policisë, vetura ka rënë nga shkëmbi për shkak se në atë moment nuk ka qenë i kyçur frena e dorës.
Kjo ngjarje në Indi nuk ishte një incident i izoluar. Një tragjedi e ngjashme ka ndodhur më herët në ujëvarën Mohadi ku dy të rinj humbën jetën pasi ranë në ujëvarë.
View this post on Instagram
Discussion about this post