E tmerrshme/ Në prag divorci, 44-vjeçari vret dy fëmijët e mitur

Një ngjarje e rëndë ka tronditur Italinë mëngjesin e ditës së sotme, ku një 44-vjeçar ka vrarë dy fëmijët e tij.

Mediat vendase bëjnë me dije se 44 vjeçari identiteti i të cilit nuk bëhet i ditur,  ka vrarë me thikë vajzën e tij 13 vjeçare dhe djalin 7 vjeç dhe më pas i ka dhënë fund jetës.

Ngjarja ka ndodhur në Mesenzana, në Lombardi ku mësohet se ai ishte në proces ndarje nga bashkëshortja.

Ka qenë ajo që ka gjetur trupat e pajetë të të miturve në momentin që do të shkonte ti merrte pasi kishin kaluar natën tek babai i tyre, transmeton gijotina.com.

Në vendngjarje mbërritën disa ambulanca, karabinierët e Luino-s dhe Varese-s si dhe kryetari i bashkisë së qytetit, Alberto Rossi.