Ngjarja ndodhi në Ohio. Gruaja e qëlluar me plumb pas shpine, arriti të kërkonte ndihmë, por vdiq në spital me foshnjën që mbante në bark. Arma ishte në komodinën e dhomës së gjumit.
Djali 2-vjeçar merr armën e lënë në komodinën në dhomën e gjumit të prindërve të tij dhe qëllon nënën e tij që po lante rrobat, duke e vrarë atë.
Këmbëza u tërhoq nga një djalë dy vjeçar, i cili goditi në shpinë gruan, Laura 31 vjeç, nga Norwalk, Ohio, tetë muajshe shtatzënë.
31-vjeçarja, siç u raportua nga mbikëqyrësi i policisë David Smith për mediat lokale, arriti të telefonojë numrin e urgjencës, duke shpjeguar se çfarë kishte ndodhur, përpara se të vdiste në spital.
Gruaja, ende e vetëdijshme kur mbërriti ndihma, në fakt tha se djali i saj dyvjeçar kishte arritur të hynte në dhomën e gjumit të prindërve, zakonisht i mbyllur, ndërsa ajo lante rrobat dhe kishte filluar të luante me pistoletën.
Në të njëjtën dhomë, policia gjeti edhe një pistoletë tjetër 9 mm në komodinën dhe dy armë zjarri të tjera të mbushura. Bashkëshorti i viktimës, i cili mungonte në momentin e tragjedisë, deklaroi se armët ishin të tijat.
Discussion about this post