E vrau djali, përcillet për në banesën e fundit Pëllumb Meta

Sot përcillet për në banesën e fundit, Pëllumb Meta, 50-vjeçari që u vra nga djali i tij, ndërsa bashkëpunëtorë ishin dhe dy fëmijët e tjerë.

Makina e funeralit ndodhet në rrugë. Familjarë të afërm do t’i japin lamtumirën e fundit 50-vjeçarit, i cili u vra më 10 shkurt, ndërsa krimi i rëndë u zbulua dje për publikun.

Si fillim për krimin u dyshua e bija, Hygerta Meta, e cila mori dhe përsipër autorësinë e krimit, por hetimet treguan krejt të kundërtën. Babai ishte vrarë nga djali i tij, Hysen Meta, ndërsa për varrosjen e tij në kasolle kishin marrë pjesë dhe vajza dhe djali.